Dead-on-arrival sa Pagamutang Bayan ng Malabon dahil sa pinsalang natamo nito sa ulo at katawan ang biktimang nakilalang si Rodolfo Cruz, negosyante ng Jacinto st., Concepcion ng lungsod.
Agad namang nadakip ng mga awtoridad ang suspect na itinago sa pangalang Calvin, out of school youth, ng nasabing lugar.
Ayon sa ulat ng pulisya, dakong alas-12:30 ng madaling-araw nang mangyari ang insidente sa tahanan ng biktima na matatagpuan sa Dulong Herra st., Ibaba, Malabon.
Sinasabing nagkaroon ng ‘lover’s quarrel’ sa pagitan ng biktima at suspect hanggang sa humantong sa matinding komprontasyon kung saan binigyan ng suspek ang biktima ng malakas na suntok sa mukha at katawan hanggang sa mawalan ito ng malay.
Inakala ng suspect na nawalan lang ng malay ang biktima, kaya balewala itong lumabas ng bahay. Ang hindi niya alam ay nasawi ang kanyang kinakasama.
Nagtangka pang tumakas ang suspect subalit nakorner na ito ng mga tauhan ng pulisya. (Ulat ni Ricky Tulipat)