Ang biktima na ginagamot ngayon sa St. Lukes Medical Center sanhi ng tinamong isang tama ng bala ng baril sa tiyan na tumagos sa kanyang pige ay nakilalang si Marquax Dian Perez, ng West Point St., Cubao, Quezon City.
Ayon sa ulat, dakong alas-7 ng gabi ng maganap ang insidente habang kumakain ang pamilya ng biktima sa St. Nicholas Catering and Cafe na nasa kahabaan ng Boni Avenue, Mandaluyong City.
Bigla na lamang naglabas ng mga baril ang dalawang hindi pa nakikilalang mga suspect na nagpanggap na mga kostumer at nagpahayag ng holdap. Nilimas ng mga ito ang mahahalagang gamit ng mga kostumer.
Bago tumakas ay nagpaputok ng baril ang isa sa mga ito at aksidenteng tinamaan ang biktima.
Isang manhunt operation ang isinasagawa ng pulisya para sa agarang ikaaaresto ng mga suspect. (Ulat ni Edwin Balasa)