69 anyos na lola patay sa sunog

Isang 69-anyos na lola ang nasawi sa naganap na sunog kahapon ng madaling araw sa Pateros, kung saan tinatayang aabot sa P2 milyon halaga ng mga ari-arian ang tinupok din ng apoy.

Nakilala ang nasawi na si Helen Mangibay, biyuda, ng 346 G. De Borja St., Barangay Aguho ng bayang ito.

Sa sketchy report ng pulisya, naganap ang insidente dakong ala-1 ng madaling-araw sa mismong bahay ni Mangibay sa nabanggit na lugar. Hindi pa matiyak kung ano ang posibleng pinagmulan ng sunog na tumagal ng may kalahating oras. (Ulat ni Lordeth Bonilla)