Ayon kay WPD spokesman Chief Insp. Gerry Agunod na hindi nila ibinababa ang alerto upang matiyak na hindi sila malulusutan ng mga raliyista na sumusuporta kay FPJ at makagawa ng kaguluhan sa Supreme Court.
Naka-deploy pa rin naman ang may tatlong trak ng mga pulis ng WPD-Civil Disturbance Management sa paligid ng tanggapan ng SC.
Binanggit pa ng pulisya na hindi sila nakakatiyak na tapos na ang kilos-protesta ng FPJ supporters na anumang oras ay maaaring magbuo ng puwersa at sumugod muli sa Supreme Court. (Ulat ni Danilo Garcia)