Si Restituto de Guzman, 75, ng #23 A-B Castor St. Brgy. Laging Handa ay dinakip batay sa bisa ng warrant of arrest na ipinalabas ni Judge Manuel Taro ng Quezon City Metropolitan Trial Court (QCMTC) kamakalawa ng hapon matapos na magsampa ng kaso ang negosyanteng si Jaime Lim.
Dakong alas-2 ng hapon ng arestuhin ng mga operatiba si de Guzman sa sala ni Fiscal Leo Lee sa ikatlong palapag ng Manila City Hall kung saan isinasagawa ang preliminary investigation sa kasong libelo nito.
Lumilitaw na ang kasong perjury ay iniharap ni Lim matapos na malaman nito na idineklara ni de Guzman sa kanyang isinumiteng papeles sa Housing and Land Use Regulatory Board na pag-aari na niya ang isa sa mga negosyo ni Lim. Si Lim ay isang developer at isang contractor.
Kasalukuyang nakapiit sa WPD-Warrant Division si de Guzman at may piyansang P6,000 bawat isang kaso. (Ulat ni Doris Franche)