Ang biktima na si Richard Orbita, ng #6 Ilang-Ilang St. ay kasalukuyan ngayong ginagamot sa Quirino Medical Center makaraang magtamo ito ng isang tama ng bala sa bibig mula sa kalibre.38 na baril ng supect na kinilalang si Willie Pascual, ng Tupaz St., Minahan, Brgy. Malanday ng nabanggit na lungsod.
Base sa ulat, naganap ang insidente sa kahabaan ng Bougainvilla St. nang magkasalubong ang suspect at ang biktima dakong alas-9:30.
Una umanong kinompronta ng suspect ang biktima hinggil sa pag-recruit nito ng mga kabataan sa kanyang teritoryo na mariin namang itinanggi ng biktima kung saan ang nasabing tagpo ay nauwi sa mainitang pagtatalo.
Ayon sa mga saksi, ilang sandali matapos na magtalo ang dalawa ay bigla na lamang umalingawngaw ang isang malakas na putok ng baril at nang kanilang suriin ito ay nakita na lamang nilang duguang humahandusay sa kalsada ang biktima sapo ang kanyang bibig, habang ang suspect naman na si Pascual ay mabilis na tumakas matapos ang ginawang pamamaril dala ang ginamit nitong armas. (Ulat ni Edwin Balasa)