Nakilala ang suspect na si PO2 Richard Lanuzo-Balina, 28, ng Regional Support Group ng NCRPO at nakatira sa Blk. 28, Lot 28 Barangay Lower Bicutan, Taguig.
Batay sa pagsisiyasat ni SPO4 Abner Balgos ng Pasay City Police, namataan dakong alas-10 ng umaga sa panulukan ng EDSA at Tramo St. sa Pasay ang nakaparadang Mitsubishi Lancer na box type, may plakang NAJ 724 na may kahina-hinalang licence sticker.
Sa record ng pulisya, ang sasakyan ay nakaalarma sa PNP Traffic Management Group simula pa noong Mayo 2001 dahil ito ay kinarnap sa Quezon City.
Nabatid na ang sasakyan ay mayroong kulay asul na sticker na hindi naman iniisyu ng LTO dahil para lamang ito sa mga diplomat.
Subalit ayon naman kay Balina, binili niya sa halagang P15,000 ang sasakyan mula sa isang nagngangalang Philip kung kaya’t hindi maaaring sabihin na kinarnap niya ang sasakyan. (Ulat ni Lordeth Bonilla)