Ang biktima na natagpuang walang anumang saplot sa katawan ay tinatayang nasa gulang 30-35, may taas na 5’3 talampakan, balingkinitan ang katawan at may bakas na pinahirapan muna bago pinatay dahil sa nakitang mga pasa sa katawan.
Base sa inisyal na imbestigasyon, natagpuan ang bangkay ng biktima dakong alas-6:10 ng umaga na lumulutang sa Marikina River Park sa Barangay Sto. Niño ng nasabing lungsod.
Base sa inisyal na pagsisiyasat ng pulisya, hindi taga-roon ang biktima at posibleng itinapon na lang sa nasabing ilog ang bangkay matapos na paglaruan at pagsamantalahan.
Dinala sa PNP Crime Laboratory ang bangkay ng biktima para isailalim sa awtopsiya. (Ulat ni Edwin Balasa)