Nakilala ang suspect na si Eduardo Patinggo, 42, may asawa at dating nakatalaga sa 6th Infantry Battalion ng PA sa Cotabato City at naninirahan sa Sitio Ahon San Lorenzo Ruiz, Brgy.San Roque ng nabanggit na lungsod.
Sa imbestigasyon ng pulisya, nagpanggap na buyer ng marijuana sa halagang P50 ang isang pulis dakong alas 2:15 ng madaling araw sa loob mismo ng bahay ng suspect.
Habang iniaabot ang marijuana, nakatunog ang suspect kung kaya’t tinangka pa nitong tumakbo subalit agad din namang nasakote.
Nakuha din sa suspect ang tatlong supot ng marijuana, 195 piraso ng bala ng M-14 armalite, isang rifle grenade at ilang shabu paraphernalia. (Ulat ni Edwin Balasa)