Nakilala ang biktima na si Flor Francisco, 45, rice dealer at naninirahan sa Taurus St., Brgy. Culita, Tandang Sora ng nabanggit na lungsod na halos basag ang bungo bunga ng matinding pagkapalo.
Base sa imbestigasyon ng pulisya, dakong alas-10 ng umaga nang pasukin ng mga suspect ang bahay ng biktima.
Posible umanong matagal nang minamanmanan ng mga suspect ang biktima hanggang sa magkaroon ng pagkakataon na isagawa ang krimen.
Malaki ang paniwala ng pulisya na kilala ng biktima ang mga suspect kaya ito tuluyang pinatay.
Hindi pa mabatid kung magkanong halaga ang natangay ng mga salarin na kasalukuyan nang pinaghahanap ng pulisya. (Ulat ni Doris Franche)