Nakilala ang nasawi na si Nenita Lobregado, ng Tabigo St., Brgy. Commonwealth na nagtamo ng malalalim na sugat sa katawan sanhi ng malakas na pagsabog at patay na nang idating sa East Avenue Medical Center.
Sugatan din ang kanyang mister na si Lemuel, 37 at anak na si Jacel.
Base sa ulat hiniram umano ni Lemuel sa kanilang kapitbahay na nakilalang si Noel Oldina ang naturang VHS rewinder para panoorin ang video tape na ibinigay sa kanya ng kaibigan.
Nabatid na si Nenita ang nagsaksak ng rewinder sa electrical outlet at ilang sandali pa ay narinig na ang malakas na pagsabog nito.
Patuloy naman ang isinasagawang imbestigasyon ng pulisya ukol dito, habang kinukuwestiyon naman si Oldina tungkol sa pangyayari. (Ulat ni Matthew Estabillo)