Kinilala ni NBI director Reynaldo Wycoco ang tatlong nadakip na sina Ramon Villarca, 48; Mario Matic, 62, at Vic Garcia, 50.
Ayon sa ulat, isinagawa ang operasyon laban sa mga suspect makaraang makatanggap ng impormasyon ang NBI tungkol sa umano’y pagsu-supply ng matataas na kalibre ng mga nadakip sa grupo ng mga rebeldeng NPA na nakabase sa Central Luzon.
Bukod dito, binanggit pa na ang tatlong suspects ay responsable rin sa serye ng panghoholdap sa mga bus, jewelry shops at convenient stores.
Nasamsam sa mga ito ang matataas na kalibre ng baril na kinabibilangan ng anim na .45 cal., armalites, anim na shotguns at iba’t ibang uri ng magazines at mga bala. (Ulat ni Grace dela Cruz)