Natutuwa si Bonifacio Roxas nang maisauli ang kanyang itim na clutch bag na kumpleto ang laman.
Si Jonabelle Vicente, isang matapat na kagawad ng Philippine National Police Aviation Security Group, ang nagbalik ng nasabing mga kagamitan.
Sinabi ni PNP-ASG Chief Supt. Marcelo Ele Jr., bibigyan niya ng parangal ang kanyang tauhan dahil sa katapatan nito sa tungkulin.
Ayon kay Ele, mayroon lamang na P3,790 ang laman ng clutch bag ni Roxas sa iba’t-ibang dominasyon pero ang importante dito ay ang kanyang travel documents.
‘‘Hindi ito makakapasok sa port of destination niya kung wala ang kanyang passport. Kaya tiyak na babalik ito ng bansa,’’ ani Ele.
Si Roxas ay patungong Italy sakay ng KLM flight 808. (Ulat ni Butch M. Quejada)