Naganap na pagdukot sa biktimang si Marie Hilario,anak ni Sr/Supt. Almario Hilario,dating provincial director ng lalawigan ng Catanduanes at estudyante ng De La Salle High School sa Greenhills.
Sa inisyal na imbestigasyon,dakong alas-8 ng gabi nang iparada ni Marie ang kanyang berdeng Honda Civic (WCE-116) sa ika-anim na palapag ng nasabing mall nang ito ay lapitan ng dalawang suspek at puwersahang pinasok sa sasakyan nilang Toyota RAV 4.
Bago mapaandar ng mga suspek ang kanilang sasakyan ay biglang bumukas ang elevator at naglabasan ang mga tao na kung saan ay hindi makaalpas ang mga kidnaper na kanilang ikinataranta.
Ito ang pagkakataon na hinintay ni Marie at tumalon ito sa sasakyan ng mga suspek at tuluyang nakatakas.
Nagsumbong sa mga awtoridad si Marie na kung saan ay siniyasat ang sasakyan ng mga suspek na iniwan sa parking area ng ika-5 palapag na kung saan ay nakuha dito ang baril na .9mm Jericho at ibat-ibang uri ng plaka ng mga sasakyan.
Lumalabas din sa pagsisiyasat na ang RAV 4 na gagamitin sana ng mga suspek ay isang carnap vehicle na pag-aari ng isang Sheila Lim ng Binondo.
Ayon kay Lim na ang kanyang sasakyan tinangay ng apat na kalalakihan habang ito ay kanyang ipinarada sa Glorietta Shopping Mall sa Makati City noong Enero 5 dakong alas-5:30 ng hapon. (Ulat ni Non Alquitran)