Nagtungo kahapon sa tanggapan ng Women’s Desk ng Makati City police ang biktimang itinago sa pangalang Lola Teresita upang ipagharap ng reklamo ang suspect na si Roseto Alcog, 32, ng No. 27-A Sitio Paz, Brgy. San Martin de Porres, Parañaque City. Pinaghahanap ng pulisya ang nabanggit na suspect.
Sa reklamo ng biktimang si lola, naganap ang panghahalay sa kanya dakong alas-11:45 ng gabi sa kanyang bahay sa Nunez St., Brgy. Kasilawan ng lungsod na ito.
Sinabi nito na natutulog siya sa kanyang silid nang pumasok ang suspect na armado ng patalim. Agad umano siyang tinutukan sa leeg habang tinatanggal ang kanyang damit.
Hindi na umano siya nakapalag pa dahil sa malakas ang suspect hanggang sa maipagtagumpay nito ang panghahalay sa kanya. (Ulat ni Lordeth Bonilla)