Ang biktima na hindi na umabot ng buhay sa Chinese General Hospital ay nakilalang si Amador Galarde, 22, residente ng Karapatan St., ng nasabing lugar.
Sa ulat ng WPD-Homicide Division na ang biktima ay natagpuan ng kanyang ina na nakabitin sa kisame ng kanilang kusina gamit ang nylon cord dakong alas-5 ng umaga.
Ayon sa kaanak ni Galarde, na wala silang alam na malaking problema na kinakaharap ang biktima maliban sa pagbasted ng nililigawan nitong dalaga na kanilang kapitbahay.
May posibilidad umano na hindi nakayanan ng biktima ang ginawang pagbasted sa kanya ng dalaga kaya’t nagawa nitong magpakamatay.
Ngunit naghihinala naman ang mga awtoridad na maaaring gumagamit ng bawal na gamot ang biktima kaya’t hindi nito makayang harapin ang maliliit na problema. (Ulat ni Grace Amargo)