Ang suspek na naaresto ay nakilalang si Lauro Dulawan,walang trabaho at residente ng 34098 Bataan St.,Manila.
Habang ang mga biktima ay nakilalang sina Lemor Patulot,17; Joseph Magistrado, 17 at Rodiver Magana, 21 na pawang mga estudyante ng Rizal Technological University.
Sa reklamo ng mga biktima sila ay hinihingian umano ng suspek ng halagang P750.00 upang maging exempted sa pagdalo ng mga ito sa lingguhang training ng ROTC sa kanilang eskwelahan.
Ang suspek ay nagsisilbi umanong fixer ng mga estudyante ng nasabing eskwelahan kaya naman naisip ng mga biktima na magreklamo sa pulisya.
Napagkasunduan ng mga biktima at suspek na magbabayaran sa isang sangay ng Jollibee sa Rotonda, Bgy. Caniogan dakong alas 2:30 ng hapon. Nagsagawa ng entrapment operation ang mga awtoridad at nang nakuha na ng suspek ang pera ng mga estudyante na nagkakahalaga ng P1,260.00 cash ay dito na siya inaresto ng mga pulis. (Ulat ni Lordeth Bonilla)