Kinilala ni Supt. Nemesio Neron, hepe ng pulisya ng Valenzuela City ang suspek na si Jimmy Dela Cruz, residente ng St. Joseph St., Malinta ng nasabing lunsod.
Mabillis na naaresto si Dela Cruz matapos na ito ay habulin ng mga taumbayan ng humingi ng saklolo ang biktima na si Dulce Doma,19 ng Bgy.Maysilo,Malabon City.
Lumalabas sa imbestigasyon ng pulisya na dakong alas 9:00 ng umaga ay sakay ng traysikel ang biktima at binabagtas ang kahabaan ng St. Joseph st., ng ito ay ma-trapik.
Wala sa malay ng biktima na isang snatcher ng cellphone si Dela Cruz dahil sa sobrang bata pa nito.
Subalit ng ito ay huminto sa kanyang harapan ay agad na hinablot ang kanyang Nokia 5110.
Hindi nasiraan ng loob ang biktima sa paghingi nito ng saklolo na ikinaaresto ng suspek.
Sa interogasyon ng pulisya napag-alaman na ang suspek ay ginagamit ng isang sindikato ng agaw-cellphone na nagsasagawa ng operasyon sa lunsod. (Ulat ni Jerry Botial)