Nakilala ang dalawang nadakip na sina Walter Tuazon, 30 at Alexander Navarro, 41, kapwa ng Sta. Mesa, Manila.
Base sa ulat ng pulisya, dakong alas- 2 ng hapon kamakalawa ay nagpapatrulya si Inspector Cecilio Banzagales sa kahabaan ng Ramon Magsaysay Boulevard nang mapansin nito ang dalawang suspect na nagtatalo sa kanto ng V. Mapa Street.
Nakita umano ng pulis na naglabas ng balisong ang isa at aktong sasaksakin ang kasamahan kung kaya’t nilapitan niya ito at inimbestigahan kung ano ang pinag-aawayan.
Nakita ni Banzagales ang isang supot na naglalaman ng mga alahas kaya kinutuban ang naturang pulis at isinama ang mga ito sa himpilan ng pulisya.
Lumabas sa imbestigasyon na ang mga alahas na umaabot sa halagang P1.9 milyon ay pag-aari ng negosyanteng si Alajudin Marijan ng Cubao, Quezon City na nilooban ng dalawang nadakip. (Ulat ni Ellen Fernando)