Kritikal sa San Juan De Dios Hospital ang biktimang si Remigio Cinco, 36, ng #2101 Wood st., Malibay nasabing lungsod.
Samantala nagsitakas ang magkapatid na Erwin, 22, at Edwin Villanueva, 24, residente ng nabanggit na tirahan.
Sa imbestigasyon ng Pasay police, dakong ala-una ng madaling araw ng maabutan ng magkapatid na suspek ang ginagawang pambubugbog ng biktima sa kanilang kapatid na nakilala sa pangalang Vilma.
Dahil sa nakita ay pinandiliman ng paningin ang mga suspek at bilang pagtatanggol umano sa kanilang kapatid na babae ay pinagtulungan nila itong saksakin at saka nagsitakas.
Nabatid na madalas umanong saktan ng biktima ang asawang si Vilma sa tuwing sila ay nag-aaway. (Ulat ni Lordeth Bonilla)