Kinilala ni Supt. Eduardo Bayangos, hepe ng Caloocan police station 2 ang suspek na si Symond Sampang, out-of-school, ng 130 J. Felipe st., Caloocan.
Lumalabas sa isinagawang imbestigasyon ni PO2 Edgardo Esguerra, dakong alas-5 ng umaga nang maaresto ang suspek habang nagtatakbuhan sa tapat ng simbahan.
Nauna rito ay isang malakas na putok ang narinig ng mga nagpapatrulyang pulis buhat sa naturang simbahan kaya’t kaagad silang nagresponde dito hanggang sa maabutan si Sampang kasama ang iba pang mga kabataan na nagtatakbuhan.
Nadakip ang suspek habang dala nito ang pillbox samantalang nakatakas ang iba pa nitong mga kasama na nauna nang nagpaputok samantalang masuwerte namang walang natamaan sa mga taong nagsisimbang-gabi.
Ayon kay Esguerra, ang grupo umano ng suspek ay matagal nang inirereklamo ng mga taong nagsisimbang-gabi sa naturang simbahan dahilan sa panggugulo ng mga ito at paghahagis ng pillbox. (Ulat ni Gemma Amargo)