Ito ay makaraang magsumite ang akusadong si Miguel Rodriguez sa Korte Suprema ng Brief for Appellant upang ipabasura ang unang desisyon ng Parañaque Regional Trial Court na habambuhay.
Sinabi ni Rodriguez sa kanyang motion na hindi kapani-paniwala ang mga ibinigay na pahayag ng star witness na si Jessica Alfaro sa mga elemento ng National Bureau of Investigation (NBI) hinggil sa paglalarawan ng una.
Binigyang diin pa rin ni Rodriguez na hindi rin naman napatunayan ng prosecution ang pakikipagsabwatan ng nasabing akusado sa pagpaslang sa mag-iinang Vizconde.
Magugunitang hinatulan ng habambuhay ni Paranaque Regional Trial Court Judge Amelita Tolentino ang mga akusadong sina Miguel Rodriguez, Hubert Webb, Antonio "Tony Boy" Lejano, Michael Gathalian, Hospicio "Pyke" Fernandez, Peter Estrada at Gerardo Biong sa kasong panggagahasa at pagpaslang sa mag-iinang Carmelita, Estrellita at Jennifer Vizconde. (Ulat ni Grace Amargo)