Kinilala ni Supt. Benjardi Mantele, CPD-stn. 10 chief, ang nadakip na si Ariel Balero, 19, estudyante ng Adamson University at nakatira sa BAI compound, Visayas Avenue, QC.
Bandang alas-6 ng umaga ng maaktuhan ng security guard ng SSS na si Jose Custodio ang suspek habang nagpipinta ng kulay pulang pintura na "Oust Erap".
Kaagad inaresto ng guwardiya ang aktibista habang ang ibang kasamahan nito ay mabilis na nagsitakas.
Ipinagbigay-alam ng guwardiya sa CPD ang ginawang vandalism ng suspek sa gusali ng pamahalaan.
Iginiit naman ng estudyante na karapatan niya bilang mamamayan na ihayag ang kanyang nararamdaman laban sa pamahalaang Estrada.
Kasalukuyang nakapiit sa CPD stn. 10 ang suspek habang inihahanda ang kasong vandalism laban dito. (Ulat ni Rudy Andal)