Natakasan ng mga detainee na sina Casiano Gordo, 34, binata, ng 243 Pasong Tirad, panulukan ng Onyx streets, Makati City; Reynaldo Cruz, 62, may asawa, kagawad, ng 1761 E-Dunas st., Bgy. La Paz ng nabanggit na lungsod at Ernesto Pacquiao, 39, ng 2264 Severa st., ng nabanggit pa ring barangay, ang nag-iisa nilang escort na nakilalang si PO1 Dennis Fadol, nakatalaga sa Anti-Crime Task Force, District Intelligence and Investigation Division (DIID) ng Southern Police District (SPD).
Nabatid na nagpaalam ang tatlo kay Fadol na pupunta sa comfort room at iihi ngunit ilang minuto na ang nakalipas ay hindi pa bumabalik ang mga preso hanggang sa madiskubre ang nasabing pulis na tinakasan na siya ng mga ito. Ang mga nakatakas ay may mga kaso umano ng droga. (Ulat ni Lordeth Bonilla)