Ang pagka-alegre sa tawo ug ang iyang pagka-kontento sa kinabuhi maoy gaunang rason nganong dili mopaspas ang pagtiguwang sa iyang hitsura. Dili mailhan ang tinood niyang edad. Dia pay ubang tips gikan sa mga eksperto kung unsaon nga mas bata kang tan-awon kaysa imong tinood edad.
1. Ang buhok kutob sa tilwa sa suwang ug abaga. Mag-bangs nga pinawakli sa kilid. Dili sad pasobrahan ang kamubo sa bangs.
2. Ang sipyat sa pagpili sa kolor sa lipstick makapa-edaran sa hitsura sa babaye. Likayan ang shade nga brown. Mas pilion ang mga creamy nga lipstick kaysa matte. Manuksok sa mga linya sa lips ang lipstick nga matte.
3. Dry ang panit kung medyo edaran na so mas maayong gamiton ang creamy nga blush ug eye shadows kaysa powder blush ug eyeshadows.
4. Gamit og para pa-bawg sa pilok (eyelash curler) para dako og buka tan-awon ang mata.
5.Dili magpatuyang sa pag-ibot sa kilay labi na kung 30 years old ug above na. Makapatiguwang ang sobra ka nipis ug kilay.
6.Makapa-batan-on kung puti kaayo ang ngipon. Sa kadugay sa panahon, ang ngipon mo-yellow tungod sa pag-inom ug kape, tsa o bino.
7.Tisar kung mobarog. Kinahanglan dunay kompyansa sa kaugalingon. Dili lang ka mas slim tan-awon kundi makapa-batan-on pud.
8.Paninguha nga makatog sa saktong oras ug dili momenos sa walo ka oras. Makapatiguwang ang kuwang sa tog. Manggawas ang eyebags, mag-uga ang panit ug magyaya imong nawong.