Napahunong si Claire sa iyang nakita. Gipanid-an niya si Ryan. Gipugngan niya ang kahimuot nga buot nang molugnot gikan sa iyang kahiladman aron dili matugaw si Ryan sa gibuhat niini.
Wala dangti’g dugay, nanguros si Ryan ug gibuka ang mga mata. Nakugang kini pagkakita kaniya nga nagbarog sa atubangan niini.
“K-kaganina ka ra ba diha?” Sukit ni Ryan.
“Dili pa lang dugay,” niya pa. “Pero nakita gyud nako ang imong gibuhat.”
“U-unsa?”
“Nag-unsa ka man diay?”
“Nakakita ka man kaha?”
“O. Pero diyotay ray akong nasabtan. Gusto kong masayod sa hingpit. Ikaw ra man guy nahimo kong kustomer nga naghimo’g ingon niini. Ngano ka man?”
“Nag-ampo ko.”
“Alang sa unsa?”
“Nga pasayloon unta ko sa Diyos sa akong gibuhat.” -- Sumpayan pa