Mibangon siya.
“Asa ka?” Pangutana sa lalaki.
“Sa banyo,” mubo niyang tubag. Kinaiya na niyang manglimpyo sa kaugalingon human siya gamita og lalaki.
“Ang akong bayad.”
“Unya na.”
“Wa ka mahadlok nga mosibat ko?”
“Kun imo kanang buhaton, di ka na makausab nako. Gawas pa, seguradong malintian ka usab sa akong bugaw. Daghan ra ba to siya’g higala nga mga bagis.”
Wala na motingog ang lalaki. Misulod siya sa banyo. Nanghugas siya sa kaugalingon. Nagpatungod siya sa shower. Giayo niya’g lugod ang iyang tibuok kalawasan aron matangtang ang mga laway ni Ryan nga mipilit mugna sa pagbrutsa sa dila niini sa iyang lawas kaganina. Nanabon siya’g maayo. Unya giwaswasan niya sa tubig ang sabon sa iyang lawas dayon nanarapo sa tualya.
Paggawas niya sa banyo, iyang naabtan si Ryan nga naglingkod sa ibabaw sa kama. Nagpiyong ang mga mata niini samtang nagkibotkibot ang baba. -- Sumpayan pa