Dear Tita Salie,
Have a wonderful day. Just call me Grace, 19 years of age, I am still single ug ania karon nagpuyo sa Pusok, Lapulapu City.
Aduna koy uyab nga usa ka tomboy ug love kaayo nako siya. Bisan pa man kun pareho ra kaming mga babaye apan iyang gipaningkamutan nga ma-feel nako ang tinuod nga gugma. Iyang gibuhat ang tanan aron dili ko magmahay nga ako siyang gisugot.
Ganahan kaayo ko niya, Tita, kay very supportive siya sa tanan nako mga gibuhat sa kinabuhi. Iya usab akong gisuportahan bisan sa akong mga material nga panginahanglan. Kun anaa duol kanako feeling nako nga secured na gyud ko, nga wala nako’y angay kahadlokan.
Apan karong bag-ohay lang nakadesisyon na siya nga biyaan ko. Gusto niya nga magbulag mi. Sakit kaayo alang kanako ang iyang desisyon kay naanad nako nga anaa siya kanunay kanako. Ug tungod sa iyang mga gipangbuhat diri kanako misamot ang akong gugma ngadto kaniya.
Dili unta ko gusto nga magbulag mi kay love na kaayo nako siya. Unsa may akong buhaton Tita? Palihog pasabta ko. Daghang salamat sa imong pagtagad. -- Grace
* * *
Dear Grace,
Be thankful nalang nga siya mismo ang nakadesisyon nga magbulag namo. Kay abi nimo lisod kaayo ang makigrelasyon sa usa ka tomboy labina kun mahigugma gyud sila pag-ayo kanimo. Unsa may imong mapaabot kun magpadayon ang inyong relasyon? Wala kay mapaabot kaniya kay dili puyde nga magminyo mong duha. Dili usab siya makalipay kanimo kay dili siya makahatag og anak.
Busa, wala gyu’y maayong hinungdan nga inyong padayonon ang inyong relasyon kun ikaw naglantaw sa imong umaabot nga gugma. Imong hunahunaon kun unsa may imong nagustohan kaniya nga pareho man kamong babaye. Tingali kun ganahan ka niya tungod sa iyang pagka-suportive kanimo, ug dili gyod matuod nga gugma ang imong gibati kaniya.
Of course, ang attachment maoy makapaguol kanato kun mahibulag kita sa tawo o bisan sa butang o atong alaga nga pet. Natural lamang kana nga maguol ka sa iyang pagkahanaw tungod kay maayo siya kanimo ug naanad kana nga anaa siya. Apan sa imo unyang bag-ong mga kasinatian mahinayhinay ra nimo og dawat ang tanan. Ug ang kaguol inanay nga matabonan sa kalipay nga dala sa imong bag-ong kasinatian. -- Tita Salie