“Panahon na nga masayod ka sa tinuod. I love you, Angeline.”
“E-Erik...?”
“Mao kana ang matuod. Gililong ko lang kini kanimo sulod sa dugay nang panahon tungod sa kaikog ug dako kong pagrespeto kanimo. Di ko gustong makaingon ka nga ni-take advantage ko sa atong friendship. Di sab ko gustong mausab ang imong pagtagad nako maong wa ko mangahas pagpadayag niini kanimo kaniadto. Apan karon...”
“Nabuang na man tingali ka, Erik?”
“Nasayop ka, Angeline. Tinud-anay ning ako.” “Ubos ra gyud tingali ang imong pagtan-aw sa akong pagka-babaye kay giyanoyano man lang ko nimo’g iningon ini?”
“Wa ka lang makasabot nako, Angeline.”
“Di gyud ko makasabot nimo kay lisod kang sabton. Imagine, human ko nimo tug-ani nga nagsabak si Almina sa bunga sa inyong relasyon, nangulitawo ka na hinuon nako? Unsay pagtuo mo nako babayeng way buot? Babayeng way delikadisa?”
“Paminawa una ko, Angeline...” -- Sumpayan pa