Gula 85
“Yes, mokuyog ko. Kaming duha ni Vera.”
“Good!”
Tuod man, nianang pagka-Domingo, nahinayon ang grupo ni Robert sa pagpangaligo og dagat. Mikuyog gyud sila si Angeline ug Vera. Didto sila nangaligo sa Laya Beach sa Baclayon, Bohol.
Alegre ang pagpangaligo nila sa dagat. Nagparespares sila, lalaki ug babaye. Kadtong wala’y partner nagsamoksamok sa nagpares-pares nga mga lalaki ug babaye. Si Vera maoy nahimong partner ni Paolo, best friend ni Robert. Mora’g nagkasinabot ang duha kay nagpalayo man sila sa ubang mangaligoay. Samtang si Robert wala gayod magpalayo kang Angeline.
Dihang natagbaw na si Angeline sa pagkaligo mihaw-as siya sa dagat ug mipaingon sa ilang giukopar nga cottage. Gisundan siya ni Robert. Nakahigayon si Robert pagsukna kang Angeline mahitungod sa gugmang gihalad niini sa dalaga.
“May paglaom na ba ko, Angeline?” Sukit ni Robert.
Wala dayon motubag si Angeline.
Nahiunlod si Angeline sa halawom nga pamalandong. Iyang gisuta sa iyang kaugalingon kun unsay papel ni Robert sa iyang kinabuhi. -- Sumpayan pa