Dear Tita Salie,
Have a wonderful day. I’m Ms. Libra, single parent, I’m only 22 years young.
Nakatakda na unta ang among kasal sa amahan sa akong anak apan wala kini mahinayon tungod kay ako siyang nasakpan nga nag-cheat. Nasakpan nako siya nga dunay laing babaye. Busa bisan kun kaslunon na unta ming duha ako gyud siyang gibulagan. Sakit unta kaayo on my part tungod kay duna na kami’y anak, apan ako lang giagwanta ang kasakit kay dili nako kayang antoson nga iyang luiban ug limbongan.
Three years na ang nakalabay sukad nga nagbulag mi sa akong boyfriend. Sukad niadto 3 na usab ka boyfriend ang akong gikarelasyon. Apan ang tulo nako ka relasyon dili gyud magdugay. Taas na kaayo kun muabot kini og 3 ka bulan, ako dayon silang gibulagan, Tita, kun magduda man ko nga dili sila seryoso ug nga duna pa sila’y laing gikabuangang babaye.
Anaa pa gyud kanako ang fear nga tingali kun ila usab nga buhaton diri kanako ang gibuhat nga pagpasakit ug pagluib sa akong ex bf. Wa ko masyod kun unsay akong buhaton aron mawagtang na ang akong kahadlok nga masakitan pag-usab. Palihog pasabta ko kay mag-wait gyud ko nga imong i-publish ang akong suliran. Thank you very much and God bless. -- Ms. Libra
* * *
Dear Ms. Libra, ang imong gibati karon nagtimaan lamang kini sa imong dakong gugma ug pagsalig sa imong ex-boyfriend. Ug hangtud karon wala kapa maka-recover sa kasakit ug tungod sa impact nga dala sa iyang pagluib. Of course, na-surprise gyud ka pag-ayo sa iyang gibuhat tungod kay wala kana mag-expect nga iya pa kining buhaton kay nagplano naman kamo nga magpakasal. Dako na kaayo ang imong pagtuo nga ang iyang hunahuna naa na gyod naka-focus sa preparation alang sa inyong kasal.
Mas maayo seguro nga dili ka pa moapil samtang may samad ka pa kay dili ka pa ma-concentrate kay ang imong hunahuna anaa pa sa imong samad. Tambali una ang imong samad sa pagluib. Maoy hinumdomi nga dugay maayo ang samad nga emotional kay sa physical nga samad.
Ayoha una ang imong kaugalingon. Tinuod nga dili nimo makalimtan ang gibuhat sa imong ex boyfriend ug kanunay nga mopahinumdom kanimo labi na kun duna ka nay gikarelasyon samukon ka gyod sa imong panumdoman. Mao lay timan-i nga dili tanang lalaki pareha sa imong ex. Adunay mga lalaki nga matinud-anon ug dili maglimbong kanimo. Ang imo lamang nga imo silang ilhon. Ug sa imo unyang pag-ilaila kanila ayaw una ihatag ang tanan nimong pagsalig ug paghigugma. Unya nalang kun tinuoray na gyod siya nga imoha aron dili na mausab ang imong nasinati sa gugma. -- Tita Salie