Gula 67
Dihang nakagawas na siya, midali si Erik pagsugat kaniya.
“Maayo kay nigawas ka na, Angeline,” nagkanayon si Erik. “Kaganina ra kong nagpaabot nimo.”
May dalang sakyanan si Erik. Mitanyag ang ulitawo kang Angeline nga ihatod siya niini ngadto sa iyang boarding house.
“Salamat na lang,” mibalibad si Angeline. “Mag-tricycle lang ko.”
“Please,” nangaliyupo si Erik. “Ayaw ko’g balibari. May mahinungdanon kong tuyo nimo maong gihulatan ko gyud ikaw nga mahuman mo’g practice si Robert sa inyong sayaw.”
Na-feel ni Angeline nga nanginit ang iyang aping sa iyang nadungog gikan kang Erik. Nasayod na diay si Erik nga kanunay siyang makig-practice og sayaw kang Robert. Tingali, gipanid-an gayod ni Erik ang iyang mga lihok maong nasayod kini sa iyang mga gibuhat.
“Tana, Angeline,” agda ni Erik.
Milingilingi si Angeline. Unya gipaundayonan niya si Erik. Misakay siya sa Toyota Lite Ace nga gisakyan sa ulitawo nga naghunong sa tungod gayod sa main lobby sa tulonghaan. -- Sumpayan pa