Gula 16
Usa ka dakong magpapatigayon ang mga ginikanan ni Erik sa dakbayan sa Tagbilaran City. Nanag-iya sila’g daghang matang sa negosyo sa siyudad.
Dako gyud kaayo ang gintang sa ilang kahimtang. Mao nga bisan dako kaayo siya’g gusto kang Erik, giluom niya ang iyang pagbati ngadto niini. Dili siya gustong masakitan lang sa umaabot maong wala siya molaom nga magkahigugmaay sila sa umaabot nga mga adlaw.
Apan karon ingon sa gisungog si Angeline sa kahigayonan. Imbes maglikay siya kang Erik, nakita na hinuon niya kini sulod sa library. Ug kauban pa gyud niini ang flirt nga si Almina.
Milingkod si Angeline sa bakanteng lingkoranan sulod sa library. Nagpalayo siya sa nahimutangan nila ni Erik ug Almina. Apan mopasiklap siya ngadto kanila matag karon ug unya. Sa hilom naibog siya sa duha nga sweet and close kaayong nagsultihanay.
Wala damha, nagkatagbo ang mga tinan-awan nila ni Angeline ug Erik. Unya kalit lang mitindog si Erick. Gibiyaan lang niini si Almina sa ilang gilingkoran. Gikulbaan si Angeline dihang mipaingon si Erik sa iyang nahimutangan. -- Sumpayan pa