Dear Tita Salie,
Have a wonderful day. Just call me Jen, married already and I have one son. My problem is about my husband and our marital relationship.
Nag-cheat ang akong husband ug ang iya pa gayod nga gikabuangan mao ang akong 1st cousin nga dunay ka-live in ug may usa ka anak. Nagduda ko nila pero wala lang nako gitagad sa pagtuo usab nga dili mahitabo kay 1st cousin man nako ug suod pa gayod kaayo ang among pamilya.
Dili gayod sila makalimod kay nag teksanay man mi sa ako 1st cousin. Nagtuo man siya nga akong husband ang nagdala sa cellphone. Ako ra pod gitubayan mao nga ako gayod silang nasakpan.
Akong gipalayas ang akong bana apan dili gayod molayas ug nangayo siya og second chance. Tungod og alang sa akong pamilya ug sa akong anak nisugot ko. Nilabay ang usa ka tuig apan wala gihapon nako makalimti ang nahitabo ug nawad-an gayod ko og pagsalig sa akong bana. Gusto unta ko nga mobalos niya apan nasayod ko nga usa ka dakong sala, busa, ako na lang gipugngan ang akong kaugalingon. Naglikay pud ko nga magkita mi sa akong cousin kay unya’g mag-eskandalo ko mahibaw-an unya sa iyang bana mas modako gyod ang gubot.
Grabe ang akong kalagot sa akong cousin karon hangtod sa kamatayon. Pero gusto nako, Tita, nga makalimtan na lang ang tanang nahitabo. Unsa may akong buhaton? Palihog pasabta ko. Salamat. -- Jen
* * *
Dear Jen,
Ang pagsalig o trust nagkinahanglan og igong panahon aron kini matukod. Dugaydugay gayod kini nga mogawas dinhi kanato, ang pagsalig sa laing tawo. Ang uban gani maglisod og salig sa kaugalingon. Hinungdan nga maglisod usab sila og salig sa laing tawo.
Nakasabot ko sa imong gibati karon. Once ang pagsalig nimo sa usa ka tawo maguba lisod na kaayong ibalik. Busa, ayaw pugsa ang imong kaugalingon nga kalimtan ang nahitabo. Makalimtan lamang nimo ang imong masakit nga kasinatian kun ikaw ma-“amnesia” o kaha masakit ka’g “Alzheimer” kanang hingalimtanon ka na. Maayo na kana nga imong gipasaylo ang imong bana ug pasabta siya nga maglisod ka pa og pabalik sa imong pagsalig ngadto kaniya aron maningkamot siya nga iya kining ikabalik kanimo.
Natural lamang nga masilag ug maglagot ka sa imong 1st cousin. Sobra ang kasakit nga imong na-feel kay wala ka mag-expect nga unayon ka ba diay niya og traydor. Nagdahom ka nga motabang siya og bantay sa imong bana apan iya hinuon kining giunay og tukob. Apan ayaw lang gyod pagpadala sa imong kasuko aron wala kay damage nga mahimo. Kay tingali kun dili ka makapugong u g makalimot ka luoy gyod ang imong anak. Busa, pasagdi lamang nga ang panahon ug kahigayonan nga moayo kanimo. -- Tita Salie