Dear Tita Salie,
Good day! I am still single and I have a friend nga dunay girlfriend. Ganahan kaayo ko niya kay sige ra siya panglibre og food nako. Kanunay lang mi magdungan og eat ug kada kaon namo siya kanunay mobayad.
Alang sa mga nakakita kanamo mora gayod og manag-uyab kay may pagka-sweet man pod mi sa usa’g-usa ug kanunay ra pod mi magkuyog. Dunay higayon nga mohangyo siya nga mo-kiss kanako ug mosugot ra pod ko.
Natingala ko, Tita kay kun maghisgot siya mahitungod sa iyang uyab dili na man ko ganahan motubay sa iyang estorya ug mora’g sakitan na man ko maghunahuna nga duna siya’y uyab.
Morag na-develop na man ko niya kay sa una dili man ko ingon niini, kay managhigala ra man gayod ang among tinagdanay sa usa’g-usa. Kay kahibalo man ko nga duna siya’y hinigugma. Nganong ingon man niini ang akong gibati karon? Palihug pasabta ko, Tita. Thank you very much and more power!
* * *
Have a beautiful day. Dako gayod kaayo ang possibility nga ma-develop ang tawo sa usa’g-usa nga kanunay niya ikauban.
Man is a social being. Busa, natural kana sa tawo nga mangita og relate sa kapwa niya tawo. It is man’s need o panginahanglan nga makighalubilo sa uban ug ang imong amigo nga dunay gf ang nakatambal sa imong “need to be with others” mao nga hinay-hinay nga nahulog ang imong pagbati ngadto kaniya.
Apan sa sinugdan nasayod kana nga aduna siya’y girlfriend. Busa, dili ka dapat masakitan kun iyang hisgotan ang mahitungod sa iyang relasyon. Imong butangan og limitasyon ang imong kaugalingon. Ayaw kalimti nga usa lamang ka higala ug duna na siya’y hinigugma. Ug ang maong kamatuoran wala niya gililong kanimo.
Busa, wala kay laing mahimo gawas sa pagdawat sa kamatuoran. Sakit kini apan nakahibalo kana sukad pa sa una. Isip respeto sa imong pagkatawo ug respeto usab sa iyang girlfriend ug sa iyang relasyon imong hulaton nga ang imong suod nga amigo mamahimo nang gawasnon. Ayaw iloga apan huwata nga ang imong amigo mismo ang mohimo’g lakang nga ang iyang gugma sa saktong panahon ug sa insakto nga tawo iyang ipahimutang. -- Tita Salie