Tumong sa atong mga paningkamot, maunsa ang atong kahimtang sa kinabuhi, nga maka-kwarta. Moeskwela ta, primarily, dili aron makaangkon og igong edukasyon, kundili, aron inig-graduate, makakita’g trabaho, aron makasapi.
Kasagaran sa atong mga politiko, mo-seek og public office, primarily, not to serve, but to earn more money and power. Hinungdan nga kun pananglitan, wagtangon ang pork barrel, ambut kun duna pa bay molansar pagka-sakop sa Kongreso? Kay alang nila, dili sila maka-serve sa public kun wala’y pork barrel. Kataw-anan no?
Salapi! Yes, salapi! Matud ni Fr. Jerry Orbos, “Jesus cautions us about attachment to material possession. “ Nag-una sa talaan, mao ang attachment to money. Pila kanato karon ang na-attached pag-ayo sa salapi. Pila sa atong mga lawmakers kunohay ang maayong pagka-attached sa pork barrel?
Mipadayon si Fr. Orbos: “Money, work, earthly pleasures and possessions can posses us and imprison us. How many of us have lost our health, peace of mind, relationships, values, good name and yes, even our very souls because of our greed, and because of our insatiable pursuit for money, almighty money?”
Gamhanang salapi! Pastilan, pila na kaha kanato ang naulipon sa gamhanang salapi? Tuod makalipay ang salapi. Gikinahanglan ang salapi. Kinsa may wala magkinahanglan og kwarta?
“Money can make us happy, but it can also make us unhappy, stressed and sad,” padayon ni Fr. Orbos. Bitaw, wa ka kamatikod niini? Samtang makalipay ang kwarta, sa samang higayon makahatag usab kini’g kagul-anan. Suma, pila na kanato ang nakahimo’g dautan gumikan sa salapi? Pila na kanato ang nawad-an sa paglaum gumikan sa salapi? Pila na ka banay ang nagkatibulaag gumikan sa salapi? Pila na ka maghigala ang nagkasumpaki gumikan sa salapi? Ug pila na kanato ang na-priso o lagmit ma-priso gumikan sa salapi? Oh, almighty money!
Apan, kinahanglanon ang salapi. Gikinahanglan ang salapi sa tanang lihok sa tawo. Tambag ni Fr. Orbos: “What we need to learn is a healthy attitude toward money, i.e., not to be enslaved by money, and not to make money the center of our lives. In other words, not to make money our god.” Simple ra kaayo. Apan, pila kanato ang nagpaka-ginoo sa salapi? Pila kanato ang na-enslaved sa corruption gumikan sa almighty money? -- Antolin dela Serna