Gikulbaan pag-ayo si Sylvia pagkabasa sa balita nga gisuwat sa reporter nga si Philipp Cerojano nga usa ka byuda nabiktima sa langyaw nga sagad niya ika-Cybersex bugti sa mga kaayohan nga gihatag kaniya.
Ingon usab niini ang gihimo ni Sylvia sa tawo nga iyang nahigala sa social networking nga tighatagan usab kaniya og mga pabor, apil na ang kwarta. Ang nakalahi lang sa sitwasyon ni Sylvia ug Jacky kay ang iyang amigo nia ra sa Sugbo, apan wala pa sila magkita sa personal.
Nabaniog sa miaging semana nga ang hulagway ni Jacky nga naghukas ug nagpasundayag sa labing pribadong parte sa iyang lawas gi-post sa iyang gika-cybersex diha mismo sa iyang Facebook.
Gani hangtud karon si Jacky nga nagtrabaho sa usa sa mga departamento sa Cebu City Hall nag-antus pa sa grabeng kauwaw kay daghan sa iyang mga higala ang nakakita sa maong hulagway.
Nagkasungi si Jacky ug ang langyaw niya nga gika-cybersex mao nga gi-upload sa lalaki ang hubo niya nga hulagway nga nagpakita sa pribadong parte sa iyang lawas ngadto sa Facebook.
Kini maoy nakapabalaka ni Sylvia kay susama kay bisan og wala niya tug-ani sa password sa iyang Facebook ang uyab niya nga taga Sugbo ra, apan basin og nakakuha usab kini’g hulagway sa hubo niya nga lawas atul sa mga cybersex nga ilang gihimo.
Nagsalig ra man gud si Sylvia nga dili niya ikakita ang lalaki nga nagpaila nga si Fermin. Wala mahimutang si Sylvia kaniadtong Sabado kay mipadala og private message kaniya si Fermin og mihangyo nga tinud-on na nila ang gihimo nila atubangan sa camera.
Daghan na kaayo og nahatag si Fermin kang Sylvia. Kini maoy nakasuporta kaniya sa iyang pagpadayon sa pagtungha. Nagpaila si Fermin kang Sylvia nga usa ka magpapatigayon.
Natugaw g’yud ang huna-huna ni Sylvia kay giingnan siya ni Fermin nga ipabasa ang balita sa mantalaan nga gisuwat sa reporter nga si Philipp Cerojano. Mitawag si Sylvia sa higala niya nga reporter ug nagpatambag kun unsay maayong buhaton.
Giangkon ni Sylvia nga maikog usab kaayo siya nga moderikta og balibad kang Fermin kay basin og dili na kini mohatag kaniya og mga tabang ingon man maghimo kini’g dautan nga makapauwaw kaniya.
Sa panglawas ni Sylvia nga daw “dancing queen” dili g’yud magmahay si Fermin kun makatilaw sa dalaga. (Sumpayan)