Dear Tita Salie,
Have a good day. Just call me Ms. Confuse. I have two close friends and best friends pa gyod. They are very good to me. Naglibog gyod ko kun ila bang gituyo nga buotan kaayo silang duha ug caring pa gyod.Unya silang duha pulos nanguyab nako kay silang duha pulos na-develop nako.
Tininuod kaha ang ilang gugma kanako? Apan dili man pud ko magduda nga ila kong gibinuangan. Wala koy pagduda nga nagsabot silang duha sa ilang pagpangulitawo nako kay three years na gud ang among friendship. Dili sad siguro sila makaako pagbinuang nako.
Nakahibalo kaha sila nga parehas silang duha nga pulos nanguyab nako?Apan sa akong tan-aw morag seryoso gyod ang ilang tinguha, Tita. Hinungdan nga naglibog ko kun kinsay akong sugton ug kinsay akong balibaran. If sugton nako ang usa basin masuko pud ang usa. Grabe gyod ang akong kalibog, Tita. Palihog hatagi ko sa imong pamahayag kun unsay akong buhaton. Daghang salamat ug amping kanunay, Tita. Ms. Confuse
* * *
Dear Ms. Confuse. Segun sa imong gisaysay mahitungod niining duha ka hari sa imong kinabuhi ako usab walay pagduda nga gibinuangan ka sa imong mga higala. Wala sa akong hunahuna nga nagsabot silang duha nga manguyab kanimo.
Pareho lang gyod silang duha nga na-develop ang pagbati. From platonic love into romantic love. Ug dili kini kalikayan kay ang managhigala tinuod sila sa ilang pagtagad sa usa’g-usa. Anaa usab ang openness alang sa usa’g-usa. Alang kanako mas maayo ang kaminyoon nga gisugdan sa panaghigalaay. Mas maayo nga close friend mo sa imong hinigugma kay open mo ug kaila na ninyo ang usa’g-usa. Kun panahon nga mag-away mo kun nawala man ang gugma og ang inyong friendship anaa pa nga maoy moluwas sa inyong gugma.
Busa kun pareho silang duha nahigugma kanimo pangutan-a ang imong kaugalingon kun anaa ka ba usab nianang matanga sa gugma. Kun anaa ka tan-awa kun kinsa kanila kay dili puyde nga ang imong gugma alang kanilang duha. Mopili ka lang og usa. Swerte gyod ang imong pilion nila. Ug mag-expect gyod ka nga mangluod ang wala nimo pilia. Bisan pa man kun mangluod siya imo gyod siyang sultian aron dili siya maglaom ug ikaw ug ang inyong relasyon sa usa nimo ka higala mamahimong gawasnon. As the saying goes “Truth will set you free.” -- Tita Salie