Dili tiaw ang katingala ni Igong nga sa una pa lang gani nga gabii human sa ilang kasal ni Oprit luhag na kini nga miuna og gakos kaniya? “Unsa god ning nag-umog nga kabasa sa imong bilahan Oprit? nakapangutana si Igong.
Igo lamang siya gikiwian og pahiyom sa iyang asawa nga niadtong tungora way hunong ang inagunto.
Dili man god makatuo si Igong, nga sa pagkatiguwang nang dalaga ni Oprit nga iyang napangasawa mobati pa ba diay og kagana?
Ang labing tinuod kun wa pa lang hiabti si Igong, ni Uray Imak, nga nakigromansa kang Oprit ilawom sa dakong punoan sa tambis dili unta siya maahat sa pagpakasal?
“Sa akong nakita kaninyong duha Igong ug ni Oprit, igo na kaayo nga ebedensiya nga imong giamong-amongan ang akong anak nga dalagang guwang!” misinggaak sa tumang kalanog ang tingog sa inahan ni Oprit nga taudtaod na usab nga nabiyuda.
“Bitaw Nay Imak ... kinahanglan gayod bangonon ni Igong ang akong dungog!” midason si Oprit. Way nahimo si Igong bisan pa man sa iyang pagpangulipas ilabi na nga ang uyoan sa dalagang guwang mao man ang kapitan sa ilang balangay sa Kampawog.
“Karon Igong,” kay nahuman na man gayod ang inyong kasal ni Oprit, hala tagbawa ang akong anak nga dalagang guwang nga sa una pang higayon karon pa makatilaw!” mapahiyomon nga namulong ang inahan ni Oprit.
Wa gayod magsaba si Uray Imak nga iyang panid-an unsay labok sa iyang anak nga dalagang guwang kun salto ba ang labok sa panahon digamohon siya ni Igong. Didto siya mohigda sa may pikas nga sibay. Naniid sa tumang pag-amping nga dili makamugna og kasikas.
Nahibulong gayod si Uray Imak kun ngano nga mibaha man ang dapit nga iyang gihigdaan nga sibay. Iyang gisimhot ug nahibulong nga angso man ang baho? Dili man sad pilit?
“Mas maayo tingali Oprit manggawas ta dinhi sulod sa sibay?” nagkanguhal ang sinultihan ni Igong.
“Tagatuhod na ang tubig ug basin kita ianod!”
“Pastilan kanimo mahal kong bana ... nahibawo ka na man gayod nga sa akong pagkatiguwang nang dalaga nga nagminyo ... wa nay lunok kun lanahon!” prangka nga gidaygan ni Oprit ang iyang bana.
Igo lamang mihagawhaw si Oprit nga nagkanayon:
“Dili mapugngan ang pagtil-is sa akong ihi Igong nga nakasinati og kalami!” (Kataposan)