Gula 69
“N-no...!”
“Yes, Flip. Makigbuwag na ko nimo.”
“Gikab-ot ni Jackie ang shoulder bag niya nga gipatong sa lamesita. Iya kining gibuksan ug gikuha ang cellphone nga hinatag ni Flip kaniya.
“Nia ang imong cellphone,” giuli ni Jackie ngadto kang Flip ang maong butang. “Sukad karon dili na ko gustong magsamok ka pa nako. Isipon kong dakong utang kabubut-on kanimo kun dili ka na magpakita nako.”
“Jackie, please,” ni Flip nga mapangaliyupuon. “Hatagi ko’g laing higayon aron ako makabawi sa sayop nga akong nahimo. Please...”
“Wala nay ikaduhang higayon, Flip,” matud ni Jackie nga mipatong sa cellphone sa paa sa lalaki sa dihang wala dawata sa lalaki ang maong butang. “Igo na ang unang higayon nga gihatag ko kanimo. Imo lang kining giusikan.”
Unya mitindog si Jackie nga nagpaminti sa kalagot.
“Good night, Mr. Garcia,” nagkanayon si Jackie dayong talikod kang Flip ug misulod sa iyang lawak.
Si Flip nahibilin sa sopa sa may sala nga ingon sa nagdamgo nga nakalitan sa gihimo ni Jackie.
“Maayo ang gihimo mong desisyon,” nagkanayon si Joy Lorenzo pagkasayod nga gibuwagan na niya si Flip. “Magpatawag dayon kita’g presscon.” -- Sumpayan pa