Nakugang si Reno sa gibuhat ni Xenia. Wala kini makalihok. Ang mga mata niini ingon sa nagbantay kun kabliton ni Xenia ang gatilyo sa pistola nga iyang gigunitan.
“U-unsay buot ipasabot niini, Xenia?” Nakapangutana si Reno. “Nganong gitionan mo ako nianang pistola. Ti-tingalig mobuto kana.”
“Kay pabuthon ko man bitaw kini,” ni Xenia pa. “Gikasilagan ko ang mga tulisan nga sama nimo tungod kay ang sama nimong tulisan maoy nakaingon sa kamatayon sa akong inahan.”
“U-unsa?”
“Naigo sa saag nga bala ang akong inahan tungod sa pagpakigpinusilay sa kapolisan sa mga tulisan. Fatal ang samad sa akong inahan maong namatay gayod siya bisan og nakuha sa doktor ang bala nga nalubong sa iyang lawas.”
Gi-gikasubo ko ang nahitabo sa imong inahan, Xenia. Pero...”
“Salbahis mong mga tulisan. Wala moy kaluoy.”
“X-Xenia, i-ibutang kanang pistola nga imong gigunitan. Tingalig matukmod ka sa demonyo ug imo kanang makablit.”
“Gikasilagan ko kamong mga tulisan. Angay kamong pamatyon!” -- Sumpayan pa