Miadto sila si Gabriel ug Glenna sa Food Court sa SM City ug nangaon. Human sa ilang pagpangaon, gitutokan ni Gabriel si Glenna. “Unya, asa man ta ron manuroy para malingaw ta?” nagpahiyom si Gabriel nga nangutana ni Glenna.
“Ikaw gud. Bahala ka na og asa ta manuroy,” mubo nga tubag sa gwapa nga si Glenna. Nasabtan ni Gabriel nga dili g’yud mobalibad si Glenna kun dad-on niya sa mabugnaw nga lawak nga sila ra.
Nanggawas sila gikan sa Food Court. Misakay sila’g taxi ug didto magtupad sa luyo nga lingkoranan. “Bay, adto ta’s Q2,” giingnan ni Gabriel ang drayber. Ang motel diha sa barangay Caretta maoy iyang gipasabut nga ilang adtoan. Dali ra kaayo sila nga nahiabot sa motel.
Halos dili makatuo si Gabriel nga ang gwapa nga suki niya sa puto-maya nga giangga-an lang niya kaniadto og “hubag” tungod sa talagsaon niyang kaanyag, iya na karon nga ikauban sa mabugnaw’ng lawak. Pagsulod g’yud nila sa kwarto sa motel, nagpanglad-ok na’s laway si Gabriel.
Milingkud dayon si Glenna sa ngilit sa kama ug miatubang sa salamin. Gihapsay niini ang tag-as niyang buhok nga lapas sa abaga. Didto mitutok si Gabriel sa salamin ug nakita ni Gabriel nga mipahiyom si Glenna kaniya. “Naunsa ka man uy, sigi ka man og tan-aw nako.”
“Salamat kaayo Briel ha nga pagahatagan ko nimo’g budget gikan sa imong ganansya pagpamaligya’g puto-maya. Abi nimo apiki g’yud tinuod ang akong budget,” may pagka seryoso og gamay si Glenna. Mitupad og lingkod si Gabriel kang Glenna. Didto sa salamin nakita ni Gabriel nga angayan man diay sila nga magpares ug si Glenna. “Pareson man diay kita Briel,” giingnan ni Glenna ang ulitawo.
Diha-diha gihagkan ni Glenna ang mga ngabil sa ulitawo nga wala lang unta magtingog. Kadto maoy nakasugnib og kainit ni Gabriel. Nag-ukobay dayon ang ilang mga ngabil ug inanay nga gipahigda sa ulitawo si Glenna ngadto sa kama.
Ang kalumoy sa mga ngabil ni Glenna maoy nakahatag og paspas nga kainit ni Gabriel. Gikan sa pag-ukob sa mga ngabil ni Glenna, ang iyang mga ngabil inanay nga nanaug ngadto sa liog sa maanyag niya nga suki sa puto-maya.
“Oo, malipayon g’yud kaayo ko Glenna nga maangkon ko na g’yud ikaw… dugay na kaayo ko nga naibog nimo sa hilom,” hagawhaw ni Gabriel ngadto ni Glenna samtang nagpadayon sa paghawok sa liog sa babaye.
“Sigi Briel, tagbawa ang imong kaugalingon. Imo na ako karon,” matud ni Glenna kang kansang mga kamot nagpanghiram usab sa kalawasan ni Gabriel.
Nabatyagan ni Gabriel nga ang mga kamot ni Glenna mihinay sa pagtangtang sa iyang bakus, dayon sa botones sa iyang karsones. “Hukasa usa ang imong karsones ug T-shirt Briel,” giingnan ni Glenna ang ulitawo. (Sumpayan)