Gula 2
Mikapyot si Xenia sa liog ni Kendall dihang ingon sa misaka na sa higher level ang kalalim sa ilang pagtagay sa lawasnong kalipay. Hangtod nga nagkadungan gayod sila pagsangko sa kinapungkayan sa himaya. Ug matagbawon silang nahugno gikan sa makutas nga bugno sa gugma.
“Manggawas na ta dinhi,” nagkanayon si Xenia dihang inanay nang mihunas ang gibati nilang kakutas gumikan sa pagtagay sa lawasnong kalipay.
“Ayaw una,” matud ni Kendall nga ligdong kaayo ang nawong samtang nagpabiling naghayang sa humok nga kama.
“Ngano man?” Sukit ni Xenia.
“Duna koy gustong masayran gikan nimo,” ni Kendall pa. “Ug gusto kong sultihan ko nimo sa tinuod.”
“U-unsa man diay ang gusto mong masayran?”
“Gusto kong masayod kun kinsay nakauna sa imong pagka-babaye.”
“U-unsa?”
“Tug-ani ko’s tinuod, Xenia.”
Wala motingog si Xenia. Nakalitan siya sa gipangutana ni Kendall kaniya.
Gitutokan ni Xenia si Kendall. Mibati siya’g kahimangod sa pangutana sa ulitawo nga buot niining ipatubag kaniya. -- Sumpayan pa