Gula 95
“Dili kana tinuod, Urielle. Nasayod ko nga bisan maangkon ko ang imong lawas, si Nelson pa gihapon ang tag-iya sa imong kasingkasing. Mao kini ang hinungdan nga wala nako angkona ang imong pagka-babaye, tungod kay dili ko gusto nga angkonon ang usa ka butang nga dili angay kanako.”
“Pero karon imo na ako, Patrick.”
“U-unsay buot mong ipasabot?”
“Manhid ka lang tingali mao nga wa ko nimo hisabti.”
Nagkatinutokay sila si Urielle ug Patrick. Walay mga pulong nga nalibkas sa ilang mga ngabil apan ingon sa nagkasinabot ang ilang mga kabubut-on ug pagbati pinaagi lang sa ilang mga tinan-awan.
Mao na lamay naamgohan ni Urielle nga nag-abot na ang mga ngabil nila ni Patrick. Ug nag-akob kini sa pinadulot nga hinagkanay. Mikumpayot si Urielle sa liog ni Patrick dihang gisakwat siya niini ug gikugos paingon ngadto sa ilang lawak.
“Ikaw, ha,” ni Urielle pa dihang gitangtang na ni Patrick ang mga salimbong sa iyang lawas. “Nagplano ka diay pag-murder sa atong kaminyoon.”
“Alang-alang,” ni Patrick pa. “Wa man ko makaseguro kun nahigugma ka na ba nako. Wa may klaro ang imong reply sa akong sweet text messages. Nice ug thank you ra man gyud ang imong gitubag.” -- Taposon sunod gula