Gula 75
“Trabaho?” Gitutokan siya’g maayo ni Mr. Salvador. Unya mora’g nahinulong kini. “Yuna pa. Mora man og sinati nako ang imong panagway.”
“Ako si Jody Garcia,” paila ni Jody. “Kanhi Opinion editor sa Silver Star Daily.”
“Husto,” nakaingon si Mr. Salvador. “Nahinumdom na ko. Tigbasahan man gani ko sa imong column sa Silver Star Daily.”
“Wana na ko karon sa Silver Star Daily. Mi-resign na ko.”
“Ngano man?”
“Taas kaayong sugilanon. Basta, nangita ko’g greener pasture.”
Miyangoyango si Mr. Salvador.
“Kun gusto ka,” namulong si Mr. Salvador pagkilab sa pipila ka gutling. “Diri ka na lang hinuon motrabaho nako.”
“Unsay buot mong ipasabot?” Sukit ni Jody.
“May kaugalingon kong printing press. Mahimong ikaw ang padad-on ko sa maong negosyo. Silabon ako lang ang nagmao-mao sa pagdumala niini karon.”
Trabaho ang tuyo ni Jody. Busa gidawat niya ang tanyag ni Mr. Salvador. -- Sumpayan pa