Makaya pa kaha nimo Tonyo, nga sa gabii unya human sa atong kasal?" ni Utyang pa nga giabot og dili tiaw nga pagduha-duha.
"Unom na god ka tuig sukad ikaw nabiyudo sa tulo mo ka asawa?"
Igo lang nakapanakla si Tonyo. Sa iyang bahin, insakto baya sad nga makapangutana kaniya ang iyang pangasaw-onon?
Apan gumikan sa kahigwaos sa iyang garbo, iyang gitubag si Utyang, diin siya nagkanayon.
"Bisan kun magbuntagay pa tingali Utyang!"
"Ngano man sad Utyang nga nahinayak ka sa pagtangdo ni Tonyo, aron ikaw magpakasal nga sa ako ra bang tan-aw hilabihan na niya kaapyogon, gumikan sa iyang pagkatiguwang?"
Naamang sa makadiyot si Utyang, Insakto baya ang pangagpas ni Nanay niya Benita, nga dili niya matagamtaman ang kabuhong sa kalipay sa gabii unya human sa ilang kasal ning ilang dakong simbahan sa lungsod sa San Fernando.
Nahisama na man god si Tonyo, kun nasundang pa taudtaud nang nahabol ug nadumpol kay wa na mabaid? Sayang lang gihapon ang umaabot nilang kasal ning adlaw nga Sabado.
Nabaniog na ra ba ning ilang mga silingan ug uban pang lumolopyo ning ilang balangay sa Lantawan, nga baka ang tumbahon og ihaw sa iyang pamanhonon nga tiguwang?
Sa gabii ... human sa kasal nila ni Tonyo ug Utyang, diin hapit ang tanan nilang mga bisita nanghug-ab sa kabusdik sa kabusog.
Luhag kaayo nga miuna sa pagsulod si Tonyo, sa may sibay. Gihilasan si Utyang, nga nagsud-ong sa iyang bana nga tiguwang. Sa iyang hunahuna ... nagpatuga uroy bisan dili na makakaya kaniya og hatag sa naghinubra nga katagbawan.
Takulahaw mi-brownout ang sugang dagitabnon sa VECO. Ngitngit ang kinatibuk-an nga suok sa may sibay, apan naunsa bang pagkaunsaa ... kalit man lang misiyagit sa tumang kainggit ang tingog ni Utyang nga nagkanayon:
"Nayyyy Benitaaaa ... nakahikapppp .... akoooo .... ogggg dakongggg tudloooo .... sa higanteneee!"
Nahipugwat ang iyang inahan. Gipanguyawan kun unsa nay nahitabo sa iyang anak nga bag-ohay lang gikasal. Unya mao na lamang ang nasawod sa duha ka dunggan ni Uray Benita ang sagunson nga inutnga, gikan sa tingog ni Utyang diin kini nagkanayon.
"Dili na diay kinahanglan Tonyo ... nga imong bairon ang nahabol mong armas!'' (Katapusan)