Dawata kining papel apo, magamit mo kini sa umaabot nga panahon -- gamita kini sa labing mahinungdanon kay epektibo gayud kini apo, mga pulong sa lolong Raffy ug human kini malitok nitaliwan kini nga kahibungan kaayo ... nga mura kini og usa ka ungo nga human mahabilin ang lana sa iyang kadugo motaliwan dayon kini.
"Loloooo," kinatas-ang singgit ni Raffy human niya masuta nga ang iyang pinanggang apohan wala na kini maginhawa.
Padayon ang pakiglimbasog sa kinabuhi ni Raffy bisan og wala na ang iyang mapinanggaong apohan.
Dili tiaw alang kang Raffy ang manginabuhing mag-inusara hilabi na nga wala siya maanad nga mag-inusara. Sukad man gud sa pagkabata ni Raffy bugtong ang nitaliwang apuhan man gud niya ang nag-amuma kaniya kay sa wala masayring hinungdan kung nganong ang lolo raman niya ang nagpadako kaniya.
Hinuon mapasalamaton gihapon si Raffy kay swerte siyang may apohan siyang niako sa tanan nga unta ang iyang mga ginikanan ang angay moalagad ngadto kaniya.
Tulin nidagan ang panahon dako ang kausaban sa kinabuhi ni Raffy ang tanan-tanan nga kalisdanan nga iyang nasinati karon wala gayud kini niya masinati kaniadto sa buhi pa ang iyahang lolo.
Usa ka higayon niana sa dihang nagbaktas siya sa kadalanan sa downtown area may nakahabagat sa iyang pagtagad. Ang pundok sa mga kalakin-an nga mapugsanong niguroy sa usa ka matahom nga babaye. Ug diha-diha walay giusik nga gutlo si Raffy iya kining giduol ug walay tihik-tihik nga gipang sukmag ug gipangsikaran. Apan sa taud-taod nga maong sitwasyon ulahi na nasuta ni Raffy nga daghan gyud diay kaayo kini.
Ug diha-diha ang sukmag ug ang mga patid nga iyang gihamtang ngadto sa mga kalakin-an nga may dautang tumong ngadto sa matahom nga dalaga doble ang iyang nasugamakan tungod sa kadaghan niini. Nalup-og si Raffy ug igo nalang sa pag-agulo sa sakit nga iyang nahiaguman.
Nakasinggit siya og 'tabang looool' ug sa dihadiha nahuna-hunaan niya ang papel nga gibilin sa iyang nitaliwang apohan 'gamita kini sa labing mahinungdanon kay epektibo gayud kini" nahandurawan ni Raffy sa wala pa nitaliwan ang iyang lolo. Ug diha-diha gikuha ni Raffy ang maong papel sulod sa iyang pitakang gubaon ug iyaha kining gibasa samtang ang mga kalakin-an padayon kining nagkastigo kaniya.
Ang nakasuwat sa maong papel mao kini: "Dagan apo kay daghan kaayo sila!" Ug diha-diha nisinggit si Raffy human niya mabasa ang maong papel "Waahhaaaa!! ka lolooo oyyyy!"
Ug tuod man naluwas gayud siya niini kay iyaha man kini gituman nidagan siya taman sa ginhawan. (Katapusan)