Gula 93
Daw hangol kaayo si Bongkoy nga miukob sa mga ngabil ni Rosalinda. Mikiat ang mga kamot niini nga nagpanghilam sa pribadong mga bahin sa iyang lawas. Wala siya mopakita’g pagtutol sa gibuhat sa ulitawo kaniya. Kay iya kining kagustohan. Iya kining kabubut-on ang mahitabo kanila.
Mihangos si Rosalinda sa gihimo ni Bongkoy kaniya. Nabatyagan niya nga daw may mga boltahe sa kuryente nga mikuyamang lukop sa iyang kinatibuk-an. Mora siya’g gihakop sa kilat.
Mialalay siya dihang gipanangtang na ni Bongkoy ang tanang salimbong sa iyang lawas. Mipaundayon siya dihang hinay siyang gipahigda sa ulitawo ngadto sa lantay nga higdaanan niini. Andam na siya sa bisan unsang mahitabo kanila. Giandam na niyang daan ang iyang kaugalingon.
Pag-abot sa tukmang higayon, giangkon na gayod siya sa hingpit ni Bongkoy. Naglisod ang ulitawo sa pagsulod sa langit kay hagip-ot kaayo ang agianan. Labaw nang naglisod si Rosalinda sa pag-abiabi sa dumuduong sa iyang ganghaan. Ug namatud-an niya nga may kahapdos gyud diay ang unang pagtaak sa paraiso. -- Sumpayan pa