Gula 14
Si Alex diay. Daklit siyang naghunahuna kun tubagon ba niya o dili ang tawag ni Alex. Sa kataposan, nakahukom siyang tubagon kini.
“Kumosta ka na?” Tingog ni Alex gikan sa pikas tumoy sa linya.
“M-maayo man,” nabatyagan ni Lonia nga mikalit pagkuba ang iyang dughan sa pagkadungog niya sa tingog ni Alex.
“Unsa man ka tinuod kining balita nga mi-resign ka na kuno?”
“Tinuod kana, Alex.”
“Pero nganong kalit man kaayo ang imong desisyon? Wala ka man gani magpabitikbitik namo ni Chona nga mo-resign ka. Kaming duha si Chona nakalitan sa among pagkasayod nga mi-resign ka na. We missed our escapades together.”
Wala motingog si Lonia. Napahit niya ang ubos niyang wait.
“May problema ka ba, Sonia, nga maoy hinungdan nga mi-resign ka sa trabaho?” Sukit ni Alex.
“Wala, Alex,” mubo niyang tubag.
“Pero unsa may hinungdan sa imong pag-resign?”
“It’s something personal.”
“I see.”
Pagkataudtaod, gihatag ni Alex ang cellphone niini ngadto kang Chona aron sila na usab si Lonia ang magsulti. Gipaningkamotan ni Lonia nga magpakakaswal ug very civil samtang nakighinabi kaniya si Chona. Dili siya buot nga makamatikod si Chona nga may kalabotan silang duha si Alex sa iyang desisyon sa pag-abandonar sa iyang propesyon isip usa ka magtutudlo. -- Sumpayan pa