Gula 111
Wala na ko motubay sa ulahing gisulti ni Galen.
Unya, kalit lang kong gigakos ni Galen. Gidaitlan dayon niya sa init nga halok ang akong ngabil.
Sa wala pa mi manginit pag-ayo, giagda ko si Galen nga manulod mi sa kuwarto. Dihadiha iya kong gibaswat. Sa paghisulod namo sa kuwarto, iya dayon kong gipahigda. Mikiat ang iyang mga kamot sa pagpanangtang sa tanang mga salimbong sa akong lawas.
Dihang pareho na kaming walay mga sapot, gisugdan dayon ni Galen ang pagpahigayon sa foreplay. Dihang nanginit na kami pag-ayo, among gisaw-an pagtagay ang lawasnong kalipay. Ug naangkon namo ang naghingapin nga kalalim dihang nagkadungan mi’g sangko sa pungkay sa himaya.
Human sa lawasnon namong panagtagbo, gipagawas ni Galen ang mga drug paraphernalia. Mihithit siya’g shabu.
“Wa pa gyud diay ka moundang nianang bisyoha?” Giingnan ko siya.
“Lisod biyaan ning bisyoha,” maoy iyang tubag.
Unya iya kong giagda nga moapil paghithit. Naikag sab ko sa iyang gihimo maong miawat ko sa iyang gibuhat. -- Sumpayan pa